жалпы тактика

(Общая тактика)

жалпы әскерлік ұрысқа дайындық пен оны жүргізудің теориясы мен практикасы. Ж.т. теориясы жалпы әскери ұрыстың заңдылықтарын, сипаты мен мазмұнын зерттейді, ҚК-дің, әскер түрлері мен арнайы әскерлердің түрлі бөлімшелерінің, бөлімдері мен құрамаларының жалпы әскери ұрысқа бірлесе дайындалып, жүргізуінің амал-тәсілдерін әзірлейді; бөлімшелердің, бөлімдер мен құрамалардың жауынгерлік қасиеттері мен мүмкіндіктерін, олардың жалпы әскери ұрыста алатын орны мен рөлін, бірлесе әрекет ету тәртібін зерттейді. Ж.т. практикасы командирлердің, штабтар мен әскерлердің жалпы әскери ұрысқа дайындығы мен оны жүргізу бойынша атқаратын қызметін қамтиды. Ж.т. негізін құрлық әскерлерінің тактикасы құрайды.